|
صرخة غضب
صرخة غضب بقلم آمال محمود كحيل صرخة غضب شقت سكون الليل وترجمها القلم بحروف بلون الدم والمـوت ، والألم فكوا الحصار يكفي اللي دقناه يا العرب يكفي البلد هدم ودمار آن الأوان تتمــردي آن الأوان تتحرري يااااااااااا أمة كبلها السكات واستعذبت طعم المرار ولإمتى نقبل بالهوان ؟ ولإمتى هايطول الانتظار ؟ مخنوقة في عينيه الدموع م الأسئلة مشنوقة كل الأمنيات ، والمشكلة عاجزين نفوق من غينا ورضينا نصبح مهــزلة والصمت أصبح للأسف هوه الحقيقة المخجــلة خلف الستار كم من جرايم ترتكب وانتوا العرب ، ياللعجب أرضي بإيديــكم تغتصــب جوايا نار ، بركان غضـب فين حق إبني ف إنه يحلم باللي جي ؟؟ وازاي طمستوا ف روحه أطياف الأمل وعن العيون بتحوشوا ليه تبشير بضى ؟؟ صرخة ألم أتمنى توصل كل من له قلب حي إزاي قبلتم بالقرار ؟ وازاي رضيتم لانكسار ؟ وازاي وافقتم تبنوا بيننا وبينكوا ميت مليون جدار ؟؟؟؟؟ فين حق شهداءنا اللي باعوا الـروح رخيصة وسطروا فوق هامة التواريخ حروف المجد تغسل كل عار ؟ مليون سؤال ، وما فيش جواب ولا فيه أمل يشفي الصدور ليه الحواجـز والسـدود ؟ والظلم ليه صوته يسود؟ وليه الزهور محكوم عليها الموت ولم يمضى الربيع ؟ ليه كل حلم حلمنا بيه بيشيَّعه شلال دموع ؟؟؟ نصبح على صوت البارود ونبــات على أشـلاء ولــيد الصبر فاااااق كل الحدود وفي كل يوم فيه كم شهيد وفي كل عيد بنزف للموت من جديد أحلى الورود صرخة ألم من وسط طلقات الرصاص تصرخ تقول فكوا الحصار يا من رضيتم بالخنوع ، ولاّ خلاص ماتت بواقي النخوة في نفوسكم ومات فيكوا الشعور ؟ ليه حق شعبي في الحياة الحرة بات رهن اللاءات والمستحيل ليه السواد طمس النهار ، والصمت بات هوه البديل ؟ طال الحـداد ، طال النـواح لكننا برغم الجراح مستنظرين ضي النهــار مستنيين صحوة ضمـير مستنيين يوم الخلاص دكوا الجسور ، هدوا الجدار آن الأوان تلغوا الحصار آن الأوان تلغوا الحصار |
رد: صرخة غضب
وانتوا العرب ، ياللعجب
أرضي بإيديــكم تغتصــب جوايا نار ، بركان غضـب فين حق إبني ف إنه يحلم باللي جي ؟؟ وازاي طمستوا ف روحه أطياف الأمل وعن العيون بتحوشوا ليه تبشير بضى ؟؟ أختي الكريمة آمال وتلك روح عربية أبية تستصرخ ضمائر رجالات هذه الأمة نعم هو حق ابني وابنك وأطفال هذه الأمة بعيش حر كريم تحت شمس الأوطان دمت جميلة ومبدعة |
رد: صرخة غضب
العزيزة امال كلام حراق....
تقبلي مروري. محمد الرويضي. |
رد: صرخة غضب
اقتباس:
المبدعة أمال كحيل لو لم تكتبى الا هذه الرائعة لكانت تكفى ولكننى من المستمتعين بقصائدك بارك الله فيك صبرى اسماعيا |
رد: صرخة غضب
ليه حق شعبي في الحياة الحرة بات
رهن اللاءات والمستحيل ليه السواد طمس النهار ، والصمت بات هوه البديل ؟ طال الحـداد ، طال النـواح لكننا برغم الجراح مستنظرين ضي النهــار مستنيين صحوة ضمـير مستنيين يوم الخلاص دكوا الجسور ، هدوا الجدار آن الأوان تلغوا الحصار آن الأوان تلغوا الحصار كلها جميلة لكنى اخترت هذه الابيات احسنت بحق وليس مجاملة لكِ دمت بخير وود |
| الساعة الآن 12:30 AM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط