خيبة المفتاح...
حط المفاتيح العتيقة...
ودار ضهرو..
وفلّ
وقفول ملياني صدي
ماحدا قلّو
ضلّ
ماكان من طول الطريق
يكلّ..
وإلاّ يملّ..
*** *** ***
طلّيت...
من فوق السطح
ياخيبة المفتاح
وصرنا...
متل جرح وملح
ماحدا فينا ارتاح
وبكيت...
مفاتيح القفل
ع المشكلة....
وع الحل...
*** *** ***
حكايات...
من جوّا القفص
خبّرني ياعصفور
شو اللّي معتّم هالقصص
مين اللّي لمّ النور
فجأة انتهى الحب
وخلص
وضاع الحكي من الكلّ
*** *** ***
فجاة
تركت الشتي...
فجأة
تركت البيت...
وسكّرت بالقفل
وأنا....
متل القفل صدّيت
رحت...
وتركت الصبح
ع عتبة لياليك
يجمع مواويل الصّلح
يحتار...
تايرضيك
صيّاد...
خابت ضربتك
من هالضباب الحل..
*** *** ***
صيّاد...
وماعندك قصص
غير الدروس
البلحصص
في عمر طوّل ماخلص
وخايف عليك تمل
ل.. خالد الكنج