حاسِب يا شعب من الإشاعـــــه
لو تنتِشر وسْط الجماعـــــــــــه
ممكن تقيد نارهُم في ساعـــــــه
بيقولها ناس ملهاش ملامِــــــح
ولا عندها ذرِّة شجاعــــــــــــه
ليه احنا نديهُـــم ودانـَّــــــــــــا
من غير ما بتشوفهُم عيونـَّــــا
ونخلـِّي نار الغيظ تاكـُلنـــــــــا
من قبل ما تفكـَّر عقولنـــــــــــا
ليه نبقى ملناش اختيــــــــــــار
ويكون لنا إحنا القـــــــــــــرار
منسيبشي كلمه تقيدنا نـــــــار
قالها شبح صاحِب مصالِـــح
ونسير وراه زى الحُمــــــار
ليه نبقى قاعدين في وداعـــه
في شكل شله أو جماعـــــــه
ونصدقـُه ونكون إذاعــــــه
راحِت يا ناس فين العقـــــول
علشان تصدَّق أى قـُــــــــول
واللا احنا علشان كلنـا فـــول
العقل على طول فينا ســارح
وبقينا قطعـان من عجــُـــول
لــو حد ماشــــي نسيــر وراه
من غير ما نعرف إيـــــه وراه
مين أرسلـُه أو ميـــــــن كراه
حتى ولو هنكون دبايِّــــــــح
برضك بنمشِي فوق خـُطـَـاه
يا ثوره فيه ناس مدسوسيـــن
معرفشي دول جايين منـيـــن
لاكِنـُّهُم مِستقصديـــــــــــــن
الناس يكون بينهُـــم مدابـِــح
والدوله تتمرمغ في طيـــــــن
يامصري خليك في حَـــــــذر
قوم انت لِم اللي انكسَــــــــر
خليه بإيدك يبقـــى صالِــــح
وانقِذ وطن هيضيـــع هـَــدَر
خلـِّيك مُحصَّن بالمناعـــــه
من شر ترديد الإشاعـــــــه
دا الكِدبه لمَّـا تكون مُشـاعه
هتخلـِّي أمن الكـُل رايــــــح
وبلدنا تِغـْرَق فــي مجاعـــه