الجائزة

[عبدالحليم مدكور]

= مبروك الجايزة يا رامي،
تستاهل اكتر يا حبيبي
ليه غبت ف يوم الحفلة
مش كنت قايل لي هتيجي؟
- اسف جدا و الله
، مش راضي عن ترتيبي

= ربك ما يضيع اجرك
الماضي ارميه ورا ضهرك

و التيرم الجاي اتشطر
و اوعدني تزاكر اكتر
أنا عايزك تبقى الأول
- مش هنقص درجة يا مستر

= ايه الاخبار يا ابو عادل
على فين العزم يا راجل
- رايحين للأستاذ صابر
علشان هنحل مسائل

= قالو اللي كبر هيفارق
معقولة كبرت أوام
فيه ناس أيامها دقايق
و فيه ناس دقايقها ايام

العمر مهوش بالكترة
ياما ناس عايشين و خلاص
و فيه ناس مع قصر المدة
بيسيبوا أثر في الناس

الطالب غايته شهاده
ما اكتر شهادات الدنيا
مبروك الجايزة يا رامي
دي شهادة جزاءها الجنة

في رثاء الطالب المتميز الخلوق
رامي عادل
الصف الثاني الثانوي - الشعبة العلمية
نسأل الله أن يتقبل عنه أحسن الأعمال، و أن يغمره بفضله و رحمته، و أن يلهم ذويه الصبر والسلوان.

[ماجد غالب]

استاذ عبد الحليم مدكور.
هل تنظمون الشعر العامي على أوزان خاصة؟
مع الشكر الجزيل.

[عبدالحليم مدكور]

المشاركة الأصلية كتبت بواسطة ماجد غالب

استاذ عبد الحليم مدكور.
هل تنظمون الشعر العامي على أوزان خاصة؟
مع الشكر الجزيل.

بالفعل اخي المكرم

إليك هذا البحث في أوزان الشعر العامي في بعض البلدان العربية
https://montada.aklaam.net/showthrea...615#post526615

[أحمد فؤاد صوفي]

رحم الله الطالب الخلوق، وتقبله في جناته العلى ،،
سلمت الأيادي ،،،