سندريلا باللهجه الفلسطينية

[سامي عزمي ثابت]

سندريلا باللغة الفلسطينية :

لبست الفسطان وراحت ركظ عالكصر وشافها الأمير وحبها وركصو سوا وفجأة دكت الساعة طنعش وصارت ترمح و ترمح ووكعت ببوجها عالدرج ...

سندريلا راحت عالبيت واتمنت لو انو الساعة ما دكتش على الطنعش، بس شو تسوي بحظها المشحر مثل حظ هاظا الشعب.

الأمير حط فردة البابوج على مخدة يمكن لونها زركة أو نهدي، المهم صار ينادي بالصوت على كل البنات عشان يكسن البابوح، كسن كل البنات إلا سندريلا .....

سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ضربها الأمير كف، وحكالها: وين جاي ياما،

حكتلو: يقطع وجهك ما أزنخك، مش شايفني بدي أكيس البابوج

حكالها: وحدة مثلك كيف بدها تكون فلكة الكمر هديك،

حكتلو: هسا بفرجيك وأحط على عينك

ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة.

[روان الأحمد]

هههههههه...
أضحك الله سنك يا ..سامي

يعني كان الافضل انك تغير الاسم بلاش الخوة يشتبهو بالقصة الي بعرفوها وهم صغار ويفكروا اهليهم كانو يضحكو ...هههه

وعلى سولافة الفلسطيني
بدي اعرف من هذه المبتكرة الا اخترعت قصة مستوحى -لول ملوحة تلويح- من قصة سندريلا عشان يمكن ابعتها للامم المتحدة لعل وعسى يعطوها جائز الاسكار في الاداب...................ميت سلام وردة

[سامي عزمي ثابت]

اختي روان ان هذه القصة قد اتت ايميلا واحببت ان اشارككم في زرع البسمة على وجوه كل من قرأها

[أحمد نصار]

قصة حلوة لكن المشكلة أن أي حد غير الفلسطيني ما أعتقد أنه يفهمها

مشكور أخوي سامي على موضوعك الجميل

تحياتي...

[سامي عزمي ثابت]

اخي احمد اشكرك على مرورك وان جمال القصة انها بالفلسطيني ايش هاااااااااااظ

[يوسف الديـك]

يكطع شرك يا أريج شو عاملة بالكصّة ،

صحيح انه زنخ هاظا الأمير المسخمط بس هو الخسران مش سندريلا ، هيك شخصية اصلاً ما لازم تتندم عليه ، وميتين أمير فلسطيني بستنوا بس ضحكة سنّها ،

المهم .. حلو التحوير والتزوير .. هالفلسطينية ما خلّوا اشي من شرّهم ..، مش ظايل غير سندريلا ما حولّوها .


شكراً اريج ،

ويعطيكي الف عافية ، وأمير فهمان مش مثل البغل اللي في الكصة .

تحياتي .

[أريج حنون]

ماشاء الله أخي يوسف تملك اللهجة كما هي بالنص
مجرد اقتراح
ماذا لو قمت بترجمة رسوم متحركة غير سندريلا بنفس الطريقة
و للعلم هذا النص منقول
تحياتي و تقديري

[م. وليد كمال الخضري]

أريج حنون
اللهجة فلسطينية مثل اللهجة اللي اجت بمسلسل حاتم علي التغريبة الفلسطينية بس انا مش عارف ليش اني شايف اللهجة على جبالي شوية يعني لهجة تشبه لهجة أهل جباليا عندنا في غزة انا هيك بتهيأ الي وانا كنت بكول هيتش من الأول يكتع شر الانترنت هاظا خوا احنا ناكصنا بلاوي كال سندريلا كال هاي اللي كان ناكصنا

[أريج حنون]

هاظا الي ظايل ... لهجة جبلية
شكراً لمرورك اللطيف أخي وليد

[نجوى اسماعيل]

القصة رهيبة !!!

اضحكتني كثيرا لانها مهضومة عن جد

كل شيء نستورده ، نحوله الى طريقتنا فيصبح: غير شكل ...

شكرا اخت اريج

مع ودي