أوصيك يا ولدي

[سيد يوسف مرسي]

أوصيك يا ولدي

أوصيك يا ولدي
عاهدني يا ولدي والعهد غالي
وخليك صافي والنية سليمه
دا العمر عدى ما فيه فسحه
وما حد نال من القعدة وليمه
الحق معلوم لينا ما حد ينفيه
والباطل منكور وأخرته هزيمه
أهل المروءة قالوا لنا زمان
ما تسب أخوك وما ترد شتيمه
العدل يا ولدي ما يجيبه ظالم
والظالم كئيب ونهايته وخيمه
إياك تكون فاكر الغني بفلوس
دا الغنى عزة النفس الكريمه
والعز يا ولدي مهواش جلباب
ولا عمه تلف راسك غليضه
العاقل يا ولدي براسه ميزان
يميز بيه الكبيره والصغيره
والعاقل ميزانه فراسه حساس
والكلمه تطلع منه دوما حكيمه
خلي عنيك فوق راسك وشوف
وعيش فطن تحيا في سكينه
ياما ناس تقولك أنا فهماك
وهي كيف التور زي البهيمه
يزاحمك بالكلام بين الناس
كأنك خصمك أو كنت غريمه
ناس باتت بتضحك على ناس
وفي القفي يعد ليك الجريمه
أحذر يا ولدي متعيش محتاس
ما تقعد في جلسه فيها نميمه
ما تتغر فواحد كتر من الحلفان
د دا باطل والحلف عنده وسيله
تدخل الجامع تلاقيه قاعد مندار
شيخ في المنبر بيقرى عزيمه
ترمي عليه السلام يتمتم كلمتين
ما بده يشوفك ويخفي الحقيقه
خلق كتير فينا ما يخشى اللوم
عاهدني يا ولدي ما تبقى بهيمه

بقلم : سيد يوسف مرسي الجهني