دارميّات أبو دنيا (1)

[فخري أبو دنيا]

1
مدري البعد چتّال مدري آنه موهوم؟
شما بعد عني الزين ألگاني مهموم

2
ماكو صبر والله والشوفه واجب
گلبي يون وينوح: وين الحبايب؟

3
أمشي لحبيب الروح والحرثة عاگول
وأطلب من الرحمن السفرة متطول

4
ما گظت بالحسرات لكن بالدموع
حسبالي يوم يروح ونضوّي الشموع

5
حالي بسگم يهواي من طول بعدك
بالحلم هم ما صار خدي اعله خدك

6
كلما أشل الجروح تنلچم صارت
لو انت يمي چان طابت وراحت

7
ياهو اليجيب هواي واتهنّه ويّاه
وتالي العمر هالروح تفرح بملگاه

8
يوم التقي ويّاك شيصير بيّه؟
نجم وسما والگاع كلها بديّه

9
قاسي تگلي شلون وتگلي ظالم؟
من عيني طار النوم وإنت اللي نايم

10
نار الگلب بركان وين اليهدّيه؟
من ينفجر يهواي آنه احترك بيه