يا راجع م الحجاز

[مسعدالنحلة]

ـ
ـ
ـ
ـ
ـ
ـ
ـ
ـ

يا راجع م الحجاز

ــــــــــــــــــــــــــــ

حمدالله ع السلامه .. يا راجع م الحجاز

وف ثغرك ابتسامه .. وف قلبك اعتزاز

ووشك فيه علامه .. بتعبَّر عن شهامه

ومعاك هدايا يامـا .. لحبايبك العُـــزاز

ـــــــــــــــــ

واللي يسلم عليك .. ويشوف عزة كرامتك

والتقوى من عينيك .. مزوِّده ف وسامتـك

يتمنى يبوس إيديـك .. ويحس باللي فيـــك

وازاى ربك هاديك .. والحج علا َّ قيمتك

ــــــــــــــــ

راجع زى الوليـــد .. مفيش عليك ذنوب

والنور عمَّال يزيد .. بالتقوى في القلوب

راجع إنسان جديد .. مشتاق إنك تعـــود

ويقرب البعيـــد .. وتزور تاني الحبيب

ــــــــــــــ

ويا ريت تكون دعيت .. يكْرم مصر الحبيبه

ويحْمـــي كل بيــــت .. م البلطجه الرهيبــه

وطلبـــت م المُغيـت .. بقـُدرتـُـــه يـِغِـيـِــت

من اعتداء غتيـــت .. وتصرفات مُريبـــه

ــــــــــــــــ

بتجرجر البلـــــــد .. لمستنقـــع مصايِّـــب

وهموم ملهاش عدد .. في وسْط أمن غايِّب

والبنـــت والولـــد .. مبقــاش ليهـُم سَنـَـــــد

حتى اللي كان وتد .. أصبح ضعيف وخايِّب

ــــــــــــــــ

وشبابنا اللي انتفض .. وقــــام بأغلى ثوره

الشيخ عليه فرَض .. نفـْسُه بأغلس مناوره

زوِّد حَبَّه النكــــــد .. وبالاستهبـــال أخـَـد

حَقــُّـه وراح قـَعَــد .. بدالـُه في المشاوره

ــــــــــــــــ

والفِتنه ولـَّعِــــت .. وبقت مصر ف خطر

والدنيا شعللــت .. لاكِـــن ربك سَـتـَــــــر

مصالحنا اتعطلِـــت .. والبورصه اتبهدلِت

والحالـــــــه اتقندِلِت .. وبلدنـــــا بتنشطـَر

ـــــــــــــ

نتمنـَّى المبروكين .. إللي زاروا الرسول

يكونــوا بدعوتيـــن .. قالوهم بالقبـُـــول

مـن رب العالمين .. وهُمَّـــا مِحْرميــن

يجعلنــــا سالمين .. من فِتنة الفلـُـــــول

ـــــــــــــــ

ولما يعودوا لينــــا .. بصحبة السلامــــه

نمِدِّلهـُــــم إيدينــــا .. ونقول ألفين سلامه

وعشان سنـِّة نبينا .. هنكون في العيد فدينا

ومن القلوب دعينا .. يصون مصر الكرامه

ـــــــــــــــ

وان كان فيه حد غادِر .. وراح قضـَّى الفريضه

ربَّك كريم وقادِر .. يشـْفي نفـْسُــه المريضـــــه

يرجع غير لمَّا غادِر .. من بلدُه يوم ما سافِـــر

ويعود إنسان مُبادر .. بتضحِيَّات عريضــــــه

ــــــــــــــــ

والكل يبقى راغِـــب .. يسابـِــق الزمــــن

عشان يقدر يواكِــب .. تطـوُّر المكـَـــــن

ويُعبُر المصايّــــــِب .. ويعمَّر الخرايِّب

والكل يكون حبايِّب .. في خدمة الوطـن

ـــــــــــــــــــ

*************

[نايف ذوابه]

راجع زى الوليـــد .. مفيش عليك ذنوب
والنور عمَّال يزيد .. بالتقوى في القلوب
راجع إنسان جديد .. مشتاق إنك تعـــود
ويقرب البعيـــد .. وتزور تاني الحبيب
ــــــــــــــ
ويا ريت تكون دعيت .. يكْرم مصر الحبيبه
ويحْمـــي كل بيــــت .. م البلطجه الرهيبــه
وطلبـــت م المُغيـت .. بقـُدرتـُـــه يـِغِـيـِــت
من اعتداء غتيـــت .. وتصرفات مُريبـــه
ــــــــــــــــ

أهلا بأخي مسعد .. أسعدك الله وطيب الله أنفاسك في هذه المناسبة العطرة وأنالك شرف زيارة بيت الله الحرام وزيارة الحبيب المصطفى صلى الله عليه وسلم ..

آمين آمين يارب تحمي مصر أم الدنيا .. مصر تستاهل قيادة أشرف وأنظف من هؤلاء الأوباش الزعران ابتداء من السافل مبارك وعصابته أبو الغيط وعمر سليمان صديق اليهود وحسين سالم الدنيء عميل اليهود من زمان وأبو العز الحرامي البلطجي الكبير ..

أن يغير الإنسان موقعه باتجاه إيجابي مع شعبه وأمته شيء نبيل يا مسعد .. كنت بالأول متشائم من الثورة .. !!

[مسعدالنحلة]

المشاركة الأصلية كتبت بواسطة نايف ذوابه

أهلا بأخي مسعد .. أسعدك الله وطيب الله أنفاسك في هذه المناسبة العطرة وأنالك شرف زيارة بيت الله الحرام وزيارة الحبيب المصطفى صلى الله عليه وسلم ..

آمين آمين يارب تحمي مصر أم الدنيا .. مصر تستاهل قيادة أشرف وأنظف من هؤلاء الأوباش الزعران ابتداء من السافل مبارك وعصابته أبو الغيط وعمر سليمان صديق اليهود وحسين سالم الدنيء عميل اليهود من زمان وأبو العز الحرامي البلطجي الكبير ..

أن يغير الإنسان موقعه باتجاه إيجابي مع شعبه وأمته شيء نبيل يا مسعد .. كنت بالأول متشائم من الثورة .. !!

شكرا جزيلا أخي الأستاذ نايف ذوابه
شرف كبير لي أن تزور صفحتي وتعقب على موضوعي وتتفاعل معي
أرفع معك أكف الضراعة أن يحمي مصر وكل البلاد العربية الحبيبة
وربنا ينصر كل الشرفاء الذين قاموا بالثورات
وينصر ايضا من يكتون ثوراتهم في صدورهم لحين استجابة القدر فكما قال شاعر تونس الخالد ابو القاسم الشابي
إذا الشعب يوما أراد الحياه .. فلابد أن يستجيب القدر
ولابد لليــــــل أن ينجلــــــي .. ولابد للقيد أن ينكسِـــر
مع أطيب أمنياتي وخالص تحياتي