من روحه فيك

[أحمد أبو الشيخ أحمد]

.
.
.
.
يا اللي سكنت الفؤاد
و باح بسره إليك
و بكل قسوة و عناد
يلومني دايمًا فيك
تعالى و احكِ عن الأفراح
خليه بليل الشوق يرتاح
ينسى قسوته و ينسى عناده
و يعيش غرامك طول أوقاته
دقة محبة و دقة وداد
و دقتين من خوفه عليك
انك تغيب سنين في بعاد
و كلام عينيه ما تشوفه عينيك
تعالى قل له عن امبارح
و إن قلبك فيه سارح
خليه يحبني و يسامح
دمعي اللي جارح نني عينيه
دمعة بتنزل تدعي لك
و التانية تجري و تشكي لك
أن الغرام في هواك زايد
زايد و لا قادر يسلاك
و بأمره كل الشوق قايد
الروح تناجي للحظة معاك
يا اللي سكنت الفؤاد ..
و باح بسره إليك
و بكل قسوة و عناد ..
بيلومني دايمًا فيك
نويت تصالح أيامي
و قلبي يفرح من تاني
بكل لحظة بوجداني
إن الوصال مكتوب له ميعاد
بوصال ما بين قلبين
و ان الغرام من كتر ما فاض
طارح على الشطين
شجر بيحفظ أسامينا
من كل نظرة عين
كتبين عليه هنا بأيدينا
ميعاد لقا الحبيبين
يا اللي سكنت الفؤاد
و باح بسره إليك
و بكل قسوة و عناد
بيلومني دايمًا فيك
حكايات كتير لو أحكيها
و قلبي لك يغنيها
العمر كله ما يكفيها
لكن ساعات
بأنسى اللي فات
و أرجع أحن إليك بِها
و أنده عليك ..
لأن فيك
الروح سهادها بيحيها
طول الأوقات ..
بتزيد في آهات
و لا حد سواك راح يشفيها
يا اللي سكنت الفؤاد
و باح بسره إليك
و بكل قسوة و عناد
يلومني دايمًا فيك
.........
من روحه فيك